fk3heim.jpg

Fundur vegna hækkunar á kvikmyndasjóði 29. janúar

Vel var mætt á fundinn í Bíó Paradís og mikil ánægja ríkir með fyrirhugaðar breitingar á styrkjafyrirkomulagi kvikmyndasjóðs. Á fundinum voru kynntar hugmyndir að breyttu fyrirkomulagi og nýjum áherslum varðandi styrki úr Kvikmyndasjóði Íslands.

Formenn SÍK og FK héldu stutta tölu og talaði Hilmar Sigurðsson hvernig kvikmyndagerð er að eflast sem atvinnugrein og Hrafnhildur Gunnarsdóttir sagði greinia búna að slíta barnsskónum og reifaði hver næstu skref ættu að vera.

Kynning var á nokkrum verkum í vinnslu, Ragnar Bragason kynnti Málmhaus, Benedikt Erlingsson kynti Hross um oss, Ágúst Guðmundsson kynnti Ófeigur gengur aftur, Sveinbjörn Herbertsson kynnti Ösku Silja Hauksdóttir kynnir Ástríði og Dagur Kári fjallaði um Rocket Man og ferlið sem framundan er við framleiðslu myndarinnar.

 

Ræðu formanns FK er hægt að lesa hér.


Katrín Jakobsdóttir, Friðrik Þór Friðriksson, Óskar Jónasson
Hrafnhildur Gunnarsdóttir og Hilmar Sigurðsson 


Hilmar Sigurðsson, Elías Jón Guðjónsson
og Katrín Jakobsdóttir

Katrín Jakobsdóttir, Friðrik Þór Friðriksson, Óskar Jónasson
Hrafnhildur Gunnarsdóttir, Katrín Júlíusdóttir,
Laufey Guðjónsdóttir og Hilmar Sigurðsson


Ágætu FK félagar fjölmennum í Bíó Paradís á morgun

Klukkan 15:00 mun Kvikmyndamiðstöð Íslands ásamt félögum í kvikmyndagerð kynna breytingar á styrkjakerfi Kvikmyndasjóðs í kjölfar stóreflingar sjóðsins.

Klukkan 16 slást ráðherrar, blaðamenn og fleiri góðir gestir í hópinn og farið verður yfir stöðu greinarinnar og helstu breytinga sem vænta má í ljósi aukinna framlaga til Kvikmyndasjóðs.

Formenn fagfélaganna munu taka til máls og einnig verða nokkur verkefni sem eru í pípunum kynnt á fundinum. Eftir stutta dagskrá verður boðið upp á léttar veitingar.

AÐALFUNDUR FK

Aðalfundur Félags kvikmyndgerðarmanna var haldinn í Iðnó þann 24. janúar síðastliðinn. Hrafnhildur Gunnarsdóttir formaður félagsins kynnti skýrslu stjórnar og bar þar hæst umfjöllun um þá vinnu sem ynnt hefur verið af hendi í stéttarfélagsmálum sem og skýrslu um stefnumótunarvinnu um framtíð kvikmyndamenntunar á Íslandi sem menningar og menntamálaráðuneytið efndi til á síðasta ári og stjórn FK hefur komið að. Einnig var í skýrslunni greint frá auknum fjárlögum til kvikmyndasjóðs, rekstri Bíó Paradísar, framtíð Reykjavik Shorts and Doc hátíðarinnar og svo eitthvað sé nefnt. (Skýrsluna í heild má nálgast á vef félagsins filmmakers.is) Reikningar félagsins voru kynntir félagsmönnum og samþykktir af endurskoðendum.

 

 

Ein lagabreytingartillaga var lögð fyrir fundinn þar er um að ræða viðbót við lögin þ.e. nú bætist 11. grein við eða „Lög um heiðursfélaga“ og var hún einróma samþykkt. Heiðursfélagi Félags Kvikmyndagerðarmanna er annars vegar sæmdarheiti, sem hlotnast mönnum fyrir mikilsvert framlag þeirra til eflingar félaginu og/eða kvikmyndagerðarmönnum og konum sem eiga að baki farsælan starfsferil sem kvikmyndagerðarmenn. Hins vegar skulu allir þeir félagsmenn sem ná 67 ára aldri og hafa verið félagsmenn í FK í a.m.k. 5 ár þar af 3 ár af þeim 5 skuldlaust og verða sjálfkrafa heiðursfélagar þegar þeim áfanga er náð.

 

Þá var komið að kosningu stjórnar. Hrafnhildur Gunnarsdóttir og Stefanía Thors gáfu báðar kost á sér áfram í embætti formanns og varaformanns. Ekki komu mótframboð og þær því sjálfkjörnar áfram. Aðrir stjórnarmenn sem starfa áfram eru Guðbergur Davíðsson,  Anna Þóra Steinþórsdóttir, Bergsteinn Björgúlfsson, Ósk Gunnlaugsdóttir og Anton Máni Svansson. Þau Guðmundur Erlingsson og Júlía Embla Katrínardóttir gáfu að þessu sinni ekki kost á sér til stjórnarsetu og ber að þakka þeim fyrir vel unnin störf. Í þeirra stað voru kosin Rebekka Ingimundardóttir og Fahad Falur Jabali. Þeir Hákon Már Oddson og Jón Karl Helgason voru áfram kjörnir edurskoðendur félagsins.

 

Að loknum hefðbundnum aðalfundarstörfum voru ýmis mál rædd. Meðal annars framtíðaráform í kjaramálum, lagabreytinganefnd, framtíð RIFF sem fengið hefur synjun um styrk frá Reykjavíkurborg, málefni KMÍ og margt fleira.

Steffí kynnti ennig fyrirhugaðan síðdegisfund á vegum KPMB um bókhald fyrir verktaka í kvikmyndagerð þann 31. janúar.  Að umræðum loknum var fundi slitið.

Nú fer hver að verða síðastur að komast á kjörskrá fyrir Edduverðlaunin 2013.

Kjörskránni verður lokað á miðnætti í kvöld, mánudaginn 28. janúar og aðeins þeir sem verða búnir að greiða aðildargjöld Íslensku kvikmynda- og sjónvarpsakademíunnar (ÍKSA) fyrir þann tíma eru á kjörskrá og geta kosið í Eddunni 2013.

Tilkynnt verður um tilnefningar Eddunnar kl. 13, miðvikudaginn 30. janúar í Bíó Paradís. Allir Akademíumeðlimir og sérstaklega þeir sem sendu inn verk í Edduna eru hjartanlega velkomnir. Í kjölfarið fá svo þeir Akademíumeðlimir sem eru á kjörskránni senda rafræna kjörseðla og hafa til miðnættis 13. febrúar til að kjósa. Þeir sem eru ekki með netfang geta kosið á skrifstofu Kvikmyndamiðstöðvar, Hverfisgötu 54. Edduhátíðin sjálf verður svo haldin laugardaginn 16. febrúar og verður sjónvarpað beint og í opinni dagskrá á Stöð 2.
Enn og aftur: Aðeins þeir Akademíumeðlimir sem verða búnir að borga félagsgjöld Akademíunnar (ÍKSA) fyrir miðnætti í kvöld eru á kjörskránni og geta kosið á milli tilnefndra verka. Greiðsluseðlar fyrir félagsgjöldunum 2013 voru sendir í heimabanka Akademíumeðlima. Ekki láta eindaga greiðsluseðilsins rugla ykkur. Eindaginn er 10. september og þeir sem ekki verða búnir að greiða þá, detta út af félagaskránni og þurfa að sækja um aðild að nýju, kjósi þeir þess. Gjalddaginn er hins vegar 28. janúar og aðeins þeir sem eru búnir að greiða fyrir þann tíma, eru á kjörskrá Eddunnar 2013.
Athugið að þeir sem ekki greiddu aðildargjöld ÍKSA í fyrra eru dottnir út af aðildarskrá og þurfa að sækja um aðild að ÍKSA að nýju, óski þeir þess. Akademíumeðlimir sem eru 67 ára og eldri eða hafa fengið heiðursverðlaun ÍKSA þurfa ekki að greiða félagsgjöld og færast sjálfkrafa inn á kjörskrána.

Hér má sjá hverjir eru félagsmenn ÍKSA: http://eddan.is/?page_id=6

Hér má sjá hvaða félagsmenn eru búnir að greiða félagsgjöldin og komnir á kjörskrá: http://eddan.is/?page_id=697

Ert þú með fókusinn á það sem skiptir máli?

Síðdegisfundur 31. janúar

Vilt þú verja tíma þínum í listina og þau verkefni sem skipta þig máli í stað þess að liggja yfir bókhaldinu og gera upp?

Fimmtudaginn 31. janúar býður KPMG, í samstarfi við SÍK, FK og Film in Iceland, þér til fundar þar sem farið verður yfir fróðleiksmola er snúa að nýrri reglugerð varðandi endurgreiðslu, skattamálum og bókhaldi.

Við vonum að þú sjáir þér fært að mæta og ef þú veist um einhvern sem á erindi á fundinn bjóddu honum með.

Dagskrá:

Ný reglugerð um tímabundnar endurgreiðslur vegna kvikmyndagerðar á Íslandi
Alexander G. Eðvardsson, KPMG

Skattskylda erlendra listamanna á Íslandi
Guðrún Ásta Sigurðardóttir, RSK

Er ég verktaki eða launþegi?
Bjarni Amby Lárusson, RSK

Þarf ég að færa bókhald?
Olgeir Jón Þórisson, KPMG

Boðið verður upp á léttar veitingar og er þátttaka án endurgjalds.

Dagsetning
31. janúar 2013

Staður
Skrifstofa KPMG
Borgartúni 27
8. hæð

Tími
Kl. 16:00 til 17:00
húsið opnað kl. 15:45

Félag kvikmyndagerðamanna / The Icelandic Film Makers Association | Hverfisgata 54 | 101 Reykjavík | Iceland
Vefhönnun: Hugsa sér!